Նուռը կօգնի նիհարել. 1in.am

Նուռը կօգնի նիհարել՝ հայտնում է direct-press.ru-ն: Նոր հետազոտության արդյունքում այսպիսի եզրակացության են եկել Մարգարեթ թագուհու համալսարանի գիտնականները:

Փորձին մասնակցել է 29 կամավոր: Մի խումբը 3 շաբաթ ամեն օր խմել է նռան հյութ, մյուսը ստուգողական խումբ է եղել: Պարզվել է, որ նռան հյութ խմած մասնակիցները 22%-ով պակաս են կերել, քան ստուգողական խմբի մասնակիցները: Նրանք հայտնել են, որ իրենց քաղցի զգացումը նվազել է, իսկ ուտելիքն ավելի մեծ հաճույք է պարգևում, քան նախկինում:

Երկրորդ փուլում կամավորներին խնդրել են ճաշից առաջ 1 բաժակ նռան հյութ խմել: Դրանից հետո նրանք ճաշի ժամանակ ավելի քիչ են կերել, քան նռան հյութ չխմածները:

Միաժամանակ, նռան հյութը հակացուցված է որոշ հիվանդությունների դեպքում (աղեստամոքսային տրակտի հիվանդություններ, հեմորոյ):

Հարցեր, պատասխաններ, մեկնաբանություններ